呢兩年，AI 熱潮一浪接一浪，已經唔係咩新鮮事，你仲唔學就真係 outdated 喇🫣！尤其係 AI 工具對業務嚟講絕對令好多嘢變到好簡單，可能一個鐘嘅工作縮短到半個鐘或者更短。喺香港，Poe 係最方便可以接觸到嘅工具，結合咗多種唔同嘅 AI 模型幫大家解決業務上唔同嘅工作，而且係唔洗用 VPN 翻牆都用得到。即刻同大家一齊了解吓啦❗
🌟咩係 Poe？
佢係由一個知名嘅國際問答社區 Quora 推出嘅 AI 應用程式，將唔同公司嘅對話式 AI 集合埋一齊，唔同嘅模型各有長處同埋特色，例如 ChatGPT、GPT-4 同埋 Claude+ 等，比用戶一次過體驗唔同公司嘅 AI 模型。
最重要嘅係，Poe 係香港唔洗VPN，而又最有效使用ChatGPT 嘅 AI 應用平台❗️
🌟四大熱門 AI 模型
1️⃣ GPT-4 (付費版)：
佢係而家最強大嘅語言模型，相對 ChatGPT 嚟講係一個重大嘅進步，基本上適合任何類型嘅寫作，喺創意寫作、解決數學同物理等方面特別強勁。
2️⃣ ChatGPT (免費版)：
佢係大家都好熟悉嘅模型👉🏻GPT-3.5，擅長英文以外嘅語言，非常適合大家初體驗同 AI 嘅互動，累積吓經驗。
3️⃣ Claude+：
佢係最擅長創意寫作方面，多數都會比更長同深入嘅答案，喺非英文語言方面更快同更好。如果想寫一啲同 Marketing 相關嘅文章、人性化嘅內容同散文等，可以體驗吓 Claude+ 嘅威力。
4️⃣Dell-E-3：
佢係 OpenAI 最強大嘅圖像生成模型，會根據番用戶打嘅描述去產生相關嘅精細高品質圖像。至於喺 AI 人像生成方面，如果唔係太複雜嘅描述，人像圖片幾乎可以以假亂真。
🌟究竟 Poe 好唔好用？
呢個問題一定係大家最想知道😎Poe 喺生成速度上面係非常之流暢，確保用戶可以及時睇到問題嘅答案，不過佢喺生成長篇內容、處理複雜嘅要求方面可能比起直接用 ChatGPT 同其他 AI 工具係有少少失色，但如果只係生成一啲社交媒體帖文、短文嘅話就唔算係大問題。
作為一個綜合各種 AI 模型工具嘅平台，佢有齊桌面版、網頁版同手機版，方便用戶可以隨時隨地都用到，而且版面設計都好友善，搜尋唔同模型嘅時候已經有分類比你揀，而且當你想同時用唔同嘅模型，佢左邊欄位會分番唔同模型嘅對話框，只要㩒番入去就可以繼續對話，用戶體驗非常好，唔洗好麻煩咁喺唔同嘅 AI 應用程式來來回回切換，極之方便。而且佢允許用戶以 prompt engineering 同現有模型做基礎去創建屬於自己嘅 AI，亦可以自主揀共享定係淨係自己用。不過，因為 Poe 本身唔擁有呢啲模型，所以當佢哋生成咗一啲虛假信息嘅時候，Poe 冇辦法控制同更改。
但係，你只係用一個訂閱嘅成本去用晒咁多個最先進嘅模型，甚至突破咗某啲模型提供商嘅地區限制，性價比非常之高，又唔洗用 VPN 翻牆已經用到，對於啱啱開始學用 AI 工具嘅你非常合適。
🌟Poe 收費係點計？
Poe 嘅訂閱計劃同之前嘅計算模式有啲唔同，月費都係 HK$159，但模式變咗做每月拎到一百萬點數，消耗點數去用唔同模型，唔再受每日訊息限制，大概係可以向 GPT-4 發送三千條訊息。而且可以獨家使用 GPT-4 同 Claude-3-Opus、提前享用到新功能，例如 ChatGPT-16k同 GPT-4-32k 等實驗性模型。
Poe 的確係非常方便嘅應用程式，亦係你開始學習點用 AI 嘅好工具，當你用慣用熟之後，當然可以揀番啱心水嘅模型直接訂閱去幫助自己嘅業務更上一層樓💪🏻
