喺呢個數碼時代，時間就係金錢❗老闆Sss 要做嘅係同競爭對手鬥快吸引客人嘅注意🏃🏻既要確保寫到高質又盞鬼嘅社交媒體內容，又要搞好 SEO 優化，提升曝光率。而 AI 嘅出現唔係淘汰網絡營銷嘅部門或者公司，而係你最強大嘅助攻❗😎唔只幫你慳時間，仲提高埋效率，令你嘅內容創作同 SEO 優化一氣呵成。
🌟AI 文章生成同優化內容
唔少人覺得社交媒體內容規劃需要好多時間去搵吓靈感、做吓資料搜集，跟住又要整理同分析啲資料再做內容創作，前前後後用嘅時間至少都要一日，多就成個星期🥶 AI 絕對可以幫你搵靈感、優化關鍵詞同埋優化內容變成一篇 SEO 友好嘅文章，你淨係需要將內容改寫做人性化啲同用番一啲潮語等等去吸引人睇✨ 睇到呢度，一定有人諗點樣可以令 AI 寫嘅文章貼近自己嘅品牌語氣同風格，你可以試吓呢個做法👇🏻
1️⃣ 你可以將品牌過往嘅文章同一啲參考內容比 AI 學習
2️⃣ 提供文章嘅主題、重點或者優惠資訊，例如新產品賣點、服務嘅節日優惠價錢等
3️⃣ 叫 AI 用番品牌嘅風格寫幾篇唔同角度嘅內容
4️⃣ 人手再輕微修改，例如用番而家社交媒體好 Hit 嘅詞彙等
🌟AI 優化 SEO ➕SEO 內容創作
好多人都唔明點解做 SEO 做極都做唔起，撇除其他因素，有機會係因為你嘅網站冇內容同寫唔中 SEO 友好嘅內容😵💫而且隨住 Google AI Overview 嘅推出，為用戶提供咗生成式 AI 嘅搜尋結果，令到一啲常用嘅關鍵詞搜尋結果比 AI 生成嘅內容取代，即係單純強化內容入面嘅關鍵字已經唔係最好嘅方法，要用到主題群集（Topic Cluster）去規劃網站內容同架構✨ 你又可以試吓呢個做法去大大縮短資料搜集嘅時間👇🏻
1️⃣ 用 AI 分析你網站嘅訪問數據同社交媒體互動，搵出邊啲主題同內容最受歡迎，加埋分析競爭對手嘅網站同熱門文章，呢啲都可以幫你定義好 Content Pillars
2️⃣ 用 AI 驅動嘅關鍵字研究工具，例如 SEMrush 或者 Google Keyword Planner 去幫你根據你嘅行業同內容自動推薦相關關鍵字。
3️⃣ 叫 AI 生成 SEO 友好嘅文章初稿
AI 呢個助攻工具絕對令你可以用最短嘅時間做到高質嘅內容創作同埋優化 SEO😎而 Foundy 專業嘅團隊無論喺 AI、SEO 定係網絡營銷方面都有豐富嘅經驗，每一步都幫老闆Sss 精心打造最有創意嘅內容同關鍵字策劃，幫你留住用戶，提升營業額😎📈
