有時唔止係老闆Sss 喺度諗點解成日都慢人一步，連員工都可能對日日重複嘅流水式工作真係好厭呀🤫Foundy 嘅無私分享又嚟喇，今次介紹嘅係慳到時間又提升到效率嘅超實用自動化工具😎
🚀行銷自動化 👉🏻 HubSpot
1️⃣ 社交媒體管理
佢做到多平台一站式整合，由發文、排出帖時間表同點閱追蹤都可以喺後台一次過搞掂，例如佢可以同時顯示所有點擊數同互動數，連留言都可以統一管理，唔怕會 miss 咗某一個平台嘅留言，減低錯失潛在客戶嘅風險。
2️⃣ EDM 自動化
佢可以自動收集消費者名單，將受眾分門別類，為特定嘅目標受眾做一啲客製化嘅訊息同喺合適嘅時間發送，咁樣客人睇到嘅時候自然覺得原來企業係有用心去經營我哋之間嘅關係，唔係發送埋一啲完全好似機械人嘅訊息，企業形象都大大提升啦🥳
3️⃣ 潛在客戶開發
佢嘅 Lead Scoring 嘅功能可以幫你了解邊一啲嘅潛在客戶最有可能成功變成你嘅客戶，例如根據番潛在客戶嘅特定行為、屬性同互動嘅權重去評分，當分數去到一定嘅數字，就可以自動通知番銷售部門，及時採取唔同嘅行動去吸引佢哋變成你嘅真正客戶。
💬客戶服務自動化 👉🏻 Omnichat
1️⃣ 自動回覆
佢可以 24/7 無間斷咁透過一啲關鍵字嘅觸發，自動回覆客戶常見嘅問題。
2️⃣ 自動指派
配合番企業團隊嘅分工，設定關鍵字自動指派，將對話自動分配，提高效率。
3️⃣ 預存回覆
可以預先儲存定一啲常用嘅 Q&A，可以直接解決基礎客服嘅需求。
4️⃣ 多平台支援
佢支援 WhatsApp Business、Facebook Messenger、Instagram、LINE 官方帳號同官網嘅 Live Chat，統一管理唔同平台，唔洗再逐個平台慢慢睇同覆。
⚙️營運自動化 👉🏻 Notion
1️⃣ 專案管理
Notion 嘅 Database 功能可以建立番專案資料庫，管理專案嘅時程、進度同基本資料，團隊可以就番唔同項目嘅進度同時間表去優先處理緊急嘅 Project。
2️⃣ 任務追蹤
可以喺專案頁面插入 To-do list，設定番提醒時間，確保每個任務都可以按時完成。
3️⃣ 資料庫建立
Notion AI 有提供數據庫功能，可以幫到團隊成員管理同查詢各種信息，例如客戶信息、任務進度等。
當然啦，揀工具都要考慮番👇🏻
✅ 團隊嘅規模
✅ 預算有幾多
✅ 上手難度
✅ 企業嘅整合需求
✅ 客服支援
💡最緊要記得自動化工具唔係一次過用曬就係好，可以由單一工具開始，試吓設定簡單嘅自動化流程先，逐步增加複雜度，摸熟咗再慢慢增加唔同嘅工具先係最好嘅選擇。咁樣無論係老闆Sss 定係員工都可以由零開始慢慢適應✨
