立即按讚追蹤！

AR、VR 相信大家都聽唔少，尤其 Apple 迷絕對有留意到即將發佈嘅 Vision Pro AR/VR 頭戴式嘅空間運算裝置，令用家同埋數碼內容喺空間入面有如實體嘅互動🤩咁即係咩呀？好似好深奧咁？而家一步步話比你知 AR 同 VR 係咩啦👇🏻   🌟AR 係咩？ AR 擴增實境（Augmented Reality）就係喺真實環境入面加入一啲虛擬嘅元素或者資訊，可以用嚟增加同強化需求嘅服務，舉個實例等你更容易明白 AR 👉🏻大家經常用到嘅 Google 地圖嘅實景導航功能就係結合咗真實環境同平面地圖，只要舉起手機🤳🏻就會顯示大大個虛擬箭嘴標示，只要跟住行就可以去到目的地㗎喇❗另外，相信好多女士們都一定有試過虛擬彩妝😏，就好似 MAC 嘅網店就可以用手機以實時嘅樣去試唔同色系嘅粉底、唇膏💄👄等，呢啲都係 AR 表現嘅一種嚟㗎。   講咗咁多，手機📱的確係最多人投放資源開發嘅領域，亦係大眾最易接觸到 AR 功能嘅裝置😎除咗手機之外，亦都有出 AR 眼鏡🕶️，例如 Microsoft HoloLens 可以同遠端同事即時聯絡，一齊喺同步空間操作教學，快速解決現場嘅問題。另外，除咗呢兩種可以攜帶嘅裝置，亦都有啲透過電腦配搭 Kinect 攝影機兼感應器，令你可以喺一啲嘅展覽入面體驗到有趣嘅 AR 互動😍   🌟VR 係咩？ VR 虛擬實境（Virtual Reality）就係完完全全咁走入虛擬空間，而呢個空間係透過科技裝置同埋技術建構出嚟，可以令大家沈浸喺另一個世界入面體驗。例如喺南豐紗廠入面，佢哋就有提供一個裝置比你喺虛擬實景入面，番返去當年香港紡紗業嘅輝煌故事。另外就係打機迷相信都有玩過 PS 嘅 VR 遊戲，喺虛擬遊戲實景入面玩射擊、RPG 故事性遊戲等😎

喺而家呢個年代，幾乎人人都會用到網上銀行服務，甚至開設近幾年興起嘅虛擬銀行帳戶，由轉帳、繳付賬單到投資管理都可以用一部手機就處理到大部分嘅事情，非常之方便❗不過，都有唔少嘅人堅決拒絕用網上銀行服務或者虛擬銀行，認為好易比人 hack 咗個帳戶搞到啲錢唔見晒😖喺 21 年 Visa 嘅研究入面都有講到，雖然近一半嘅香港人已經開設咗虛擬銀行戶口，但大多數人都仲係偏好番傳統銀行，因為佢哋覺得用虛擬銀行會有更大嘅機會比 Hacker 攻擊，易啲出現被欺詐或者未經授權交易🚫其實就真係一個迷思喇❗因為虛擬銀行開立嘅時候金管局嘅監察都一樣咁嚴謹，喺網絡安全方面嘅要求同傳統銀行一樣咁高，要係國際級水準🌐而家話比大家知銀行究竟做咗啲乜嘢去確保網上銀行服務嘅安全性👇🏻   🌟網上銀行點樣保障安全？ 1️⃣端到端加密（E2EE）: 呢個加密技術係用嚟保證你進行緊網絡交易行為嘅時候，數據喺傳送過程入面唔會比第三方截取同埋篡改。   2️⃣多因素認證（MFA）： 大部分網上銀行系統都要求唔止一種嘅認證方法，例如保安編碼、驗證碼、人面或者指紋識別等，唔會話一知道咗你嘅密碼就可以做未經授權嘅交易，大大增強賬戶嘅安全性。   3️⃣非對稱式加密： 網上銀行系統會利用呢個複雜嘅加密方式嚟確保訊息唔會喺傳輸過程入面被篡改，令交易嘅安全同埋完整性得到保證。簡單啲講就係加密嘅時候係用公鑰，可以同其他人進行共享，但用嚟解密嘅密鑰就係私鑰。如果有人想比個訊息你，系統會用發送方嘅公鑰驗證番訊息嘅安全性，如果私鑰匹配公鑰成功就證明訊息冇比人篡改到。   4️⃣持續監控同欺詐檢測： 銀行用緊先進嘅監控系列實時檢測可疑嘅活動，例如同一時間不停碌卡買同一件產品，銀行係有機會暫時封卡，打電話比你確認係唔係本人做緊交易先解封番張卡，咁樣可以及時阻止可能發生嘅欺詐行為。   5️⃣安全協議同標準： 銀行會跟番國際認可嘅安全標準，例如 PCI DSS，確保番所以嘅交易都達到最高安全要求🦾。   另外，一啲虛擬銀行仲會規限番同一時間只可以用一部手機登入賬戶或者一個賬戶只限綁定一部手機，安全性絕對大大提升❗大家絕對可以放心去用🦾   除咗銀行做好咗防範措施，作為用家都唔可以忽視網絡安全嘅重要性，例如定期更改密碼、留意番銀行提供嘅最新資料睇吓點樣預防最新嘅欺詐方式等等，咁大家先可以安心咁用呢個咁方便嘅網上銀行服務😎

上一個帖文話比你知追蹤代碼係咩，有邊幾種常用嘅工具，今次就同大家解構 UTM（Urchin Tracking Module）啦！無論你係啱啱架設好網站，定係經常落唔同廣告，都需要分析流量來源嚟睇吓成效，而 UTM 就係一個非常好用又必備嘅工具❗而且更重要嘅係可以令你喺廣告投入嘅錢唔會白白咁浪費曬😍快啲睇吓佢點樣喺網絡行銷策略方面幫到你啦❗   🌟UTM（Urchin Tracking Module）係點用？💭 佢係將設定好嘅參數加入特定網址嘅後面，只要有使用者點擊呢個連結，就可以透過 Google Analytics 追蹤到呢個埋設咗 UTM 網址嘅使用者嘅數量同埋佢哋喺網站入面嘅行為。最經常用到嘅一定係評估各種線上線下行銷活動嘅成效。好似都唔係好明白？舉幾個例子解釋比你知：👇🏻 🔸想同時用Facebook、Instagram 同埋 Google 廣告推廣網站或者網頁連結，就可以利用 UTM 連結去判斷使用者係由邊一個渠道入網站 🔸透過喺實體廣告燈箱、宣傳單張、港鐵廣告等印上 QRcode，透過 UTM 連結追蹤邊一樣最有成效 🔸同唔同嘅 KOL、明星等做線上合作，透過唔同嘅 UTM 連結去評估邊一位嘅粉絲更加傾向購買你嘅產品或者服務   所以，只要透過埋好嘅 UTM 連結，你就可以分析到流量嘅來源、使用者嘅行為、進行唔同類型嘅廣告成效分析、掌握好廣告費用分配比例等等，幫你慳番唔少預算㗎❗😍如果你想整 UTM 網址嘅話，建議你可以用 Google 官方提供嘅免費工具👉🏻Google Analytics 網址產生器，佢嘅操作非常簡單，只要喺 7 個欄位入面填番相關參數嘅資料，就會自動產生埋設咗 UTM 嘅網址，直頭新手都識用呀😎   🌟簡單介紹番 UTM 唔同參數嘅組成 1️⃣ 網頁網址（Website