呢兩年，AI 熱潮一浪接一浪，已經唔係咩新鮮事，你仲唔學就真係 outdated 喇🫣！尤其係 AI 工具對業務嚟講絕對令好多嘢變到好簡單，可能一個鐘嘅工作縮短到半個鐘或者更短。喺香港，Poe 係最方便可以接觸到嘅工具，結合咗多種唔同嘅 AI 模型幫大家解決業務上唔同嘅工作，而且係唔洗用 VPN 翻牆都用得到。即刻同大家一齊了解吓啦❗ 🌟咩係 Poe？ 佢係由一個知名嘅國際問答社區 Quora 推出嘅 AI 應用程式，將唔同公司嘅對話式 AI
無論係初步開發軟體階段定係開發完軟體考慮緊轉架構嘅時候，你都要了解吓時下最流行嘅兩種軟體架構👉🏻單體架構（Monolithic Architecture）同埋微服務（Microservices），一齊了解兩種架構嘅分別，睇吓邊種更加啱公司嘅長遠發展啦！💪🏻 🌟咩係單體架構？ 佢係軟體傳統嘅模型，成個軟體建構做一個單一嘅大型運算網絡，而且多數都係用一樣嘅程式語言同技術，將所有業務功能模組同服務結合喺同一個程式碼庫，簡單舉個例子，喺百貨公司🛍️入面，無論係食物、服裝定係電器都係喺同一個地方，就好似單體架構咁屬於單一，而且係唔可以分割嘅。 🌟單體架構三大好處 1️⃣ 易於部署： 因為佢直接整合晒所有功能嘅完整架構，所以部署變得比較簡單同快捷。 2️⃣ 初期開發快捷： 多數都係用單一嘅程式碼嚟建構軟體，令開發速度更快，而難度相對比較低。 3️⃣ 測試容易： 佢係一個整合型架構，所以做端對端測試嘅時候，執行速度通常比分散式架構嘅測試速度更加快。 🌟三個單體架構嘅缺點
啱啱整好網站，準備好一連串網絡行銷策略諗住可以大展拳腳嘅時候，發現業續一直都冇咩進展，諗到頭都痕埋都唔知點優化好😔你有冇諗過網站可以點樣收集到有關使用者嘅行為、偏好？點樣去衡量網站嘅效能同埋點樣可以再優化網絡行銷策略？呢一切都係由一段小小嘅追蹤代碼幫你將網站資料數據化，等你可以由分析呢啲數據去優化你嘅網絡行銷策略🤩 🌟咩係追蹤代碼（Tracking Code）？ 喺網站分析入面，追蹤代碼係一段 JavaScript 代碼，佢係透過收集使用者行為、衡量廣告效果或者電商嘅銷售活動等，將呢啲資料傳送去第三方追蹤工具嘅伺服器入面，而且每個網站嘅代碼都唔一樣㗎，佢係一定要安裝喺每一個你想追蹤嘅頁面上。 🌟點樣用追蹤代碼？ 第三方嘅追蹤工具經常用嘅就一定係 Google Analytics、Facebook Pixel 同埋 UTM 代碼。另外，如果有經營電商嘅話，電子商務追蹤代碼（例如 Google Analytics 4）都係唔可以缺少嘅。 喺前面嘅段落都有講追蹤代碼係一段 JavaScript 代碼，而呢組 JavaScript 代碼都係獨一無二，因為咁樣先可以將收集到嘅數據傳送番去啱嘅帳號入面。而追蹤碼使用嘅方法都係大同小異，將第三方追蹤工具提供嘅 JavaScript 基本代碼載入去你嘅網頁，而呢個基本代碼隱藏住各種追蹤用戶行為會用到嘅代碼，跟住由第三方追蹤工具伺服器分析數據，最後數據會顯示喺報表頁面上。仲有一點要記住嘅就係，JavaScript 係會按照 HTML 嘅順序載入，所以正常嘅情況會將呢個代碼擺喺 <head>之間，越早讀取到追蹤代碼先可以避免收集嘅數據有漏動。當然更進階嘅話就涉及到好多要透過編碼去自定義你需要嘅事件追蹤代碼喇❗ 🌟簡單話你知常用嘅第三方工具嘅作用🔎 1️⃣ Google Analytics 主要係分析訪客嘅行為同埋網站流量。更加進階同常用嘅功能就係事件追蹤（Event Tracking），佢可以將你想要嘅目標事件發生嘅時候，令瀏覽器透過代碼去收集你自定嘅追蹤資料，可以更加準確咁評估成效，優化你嘅行銷策略。 2️⃣ Facebook Pixel 主要係用嚟追蹤 Facebook 廣告成效、轉化次數同埋再行銷，即係除咗針對去特定網站嘅人之外，亦可以針對有擺商品喺購物車嘅人再做多次精準嘅投放廣告。而 Facebook Pixel 分咗兩部分，一部分係基礎代碼，載入去網站嘅所有頁面，追蹤用戶喺網站上嘅行為，另一部分就係事件代碼，載入去特定嘅頁面去追蹤喺網站發生嘅特定行為，而且都係可以自訂轉換追蹤㗎。 3️⃣
經歷咗兩年幾嘅疫情🦠，工作已經唔係好似傳統咁樣坐喺辦公室入面完成每日嘅事務，好多公司都開始實行真正嘅「彈性上班」政策🧑🏻💻，員工可以選擇喺屋企工作🏠，而遠端桌面工具提供咗最好嘅支援，令大家可以輕輕鬆鬆用屋企嘅電腦遠程連接去公司嘅電腦，進行文件共享、協作及技術支援，可以與同事共享屏幕，同時一齊處理好 project 同埋文件，團隊之間嘅溝通變得更加有效率同方便，完全實現咗隨時隨地咁自由工作。 基本上，遠端桌面工具喺而家嘅工作文化入面係不可或缺㗎，而家為大家介紹番現時最受歡迎嘅幾個遠端桌面工具啦❗👇🏻 1️⃣ TeamViewer 近呢兩年大家冇可能冇聽過嘅 TeamViewer 的確算係喺香港主流用緊嘅遠端桌面工具。佢可以跨平台連接，無論你係用緊 Windows、Mac、Linux 、Android 定係 ios，都可以輕鬆咁同其他設備連接，而且連接方法亦非常簡單，只需要設備之間共享一個唯一嘅 ID，就可以憑住呢個 ID 進行連接。至於連線品質亦非常有保證，好少會發生斷線問題。另外，TeamViewer 亦以數據加密同埋雙重身份驗證嘅方式確保連接嘅安全性，令你無後顧之憂咁進行遠程工作。值得一提嘅係個人非商用版本係會彈出廣告㗎，而且過度使用都會跳出付費嘅視窗。 2️⃣ AnyDesk AnyDesk 講求嘅係速度流暢，基本上係而家熱門工具入面最快嘅🏃🏻，就算係直接遠端操控公司嘅電腦工作都冇問題，基本上係零延遲😍。佢亦可以跨平台連接，包括 Windows、Mac、Linux，甚至 Raspberry Pi，絕對滿足到你嘅遠端工作需要。連接方法同 TeamViewer 類近，只要輸入 9 位數嘅專屬號碼就可以連線。喺安全性方面，佢亦會進行數據加密同埋雙重認證，每次連接都要輸入密碼，保護好公司機密文件。不過 AnyDesk 商用版係目前最貴嘅遠端桌面程式🫨 3️⃣ Chrome 遠端桌面 Chrome 遠端桌面完全免費，使用方法勁簡單，只要登入同一個 Google 帳戶，加埋有 Chrome 瀏覽器再安裝遠端存取 extension 就可以使用㗎喇！不過喺功能上面就非常基本，唔支援檔案傳送、唔可以進行多設備連接等，喺使用上的確冇咁方便。 4️⃣ Window 遠端桌面 Window
除咗瞓覺，大家每日上網嘅時間分分鐘佔咗生活嘅六成，大部分時間都機不離身。但你又有冇諗過原來上網呢個行為嘅背後係好複雜🫨❓，當我哋輸入網址想瀏覽網站嘅時候，其實係經歷咗一個複雜嘅查詢過程🔎。呢個過程就係依賴 DNS（Domain Name System，域名系統）。DNS 嘅工作就好似手機電話簿一樣📱，將我哋熟悉嘅網域名稱（例如 www.example.com）轉換成電腦或手機能夠理解嘅 IP 地址（例如 192.0.2.1）。如果冇咗 DNS，我哋就好似冇咗聯絡人嘅電話號碼一樣，電腦或者手機就唔知道去邊度搵到我哋想訪問嘅網站。 DNS 究竟係點樣運作？👇🏻 1️⃣ 輸入網域名稱：當你喺瀏覽器輸入一個網域名稱後，你嘅設備會向一個 DNS 伺服器提出請求查詢。 2️⃣ DNS 查詢：DNS 伺服器會查詢其數據庫，如果查詢唔到就會向其他 DNS 伺服器進行查詢，直至搵到對應嘅 IP 地址。 3️⃣ 得到回應：當 DNS 伺服器搵到嗰個網域名稱對應嘅 IP 地址，佢就會將呢個信息傳送番去你嘅設備。 4️⃣ 連接網站：你嘅設備利用獲得嘅 IP 地址同目標伺服器建立連接，之後網站嘅內容就會加載同顯示喺你嘅瀏覽器上。 如果冇咗 DNS，我哋就要記住所有網站嘅 IP 地址，正如大家都冇咩可能記得晒所有親朋戚友嘅電話號碼一樣，咁樣對於日常使用互聯網嚟講好唔方便。所以，DNS 同成個互聯網嘅運作係密不可分嘅關係🔩 對於企業嚟講，DNS 就更加重要，無論係網站定電子郵件都會用到，要諗一個簡短易記嘅網域名稱先可以加深客人對你嘅印象，就好似 Apple.com、Google.com 或 [email protected] 咁，用番品牌嘅名稱去做網域名，簡單又易記❗
架設網站好難❓三大熱門方法點揀好❓相信呢兩個問題都有唔少人問😵💫無論係 Start up 公司，定係公司發展到一定程度想重整網站，都離唔開選擇架設網頁平台、聘請 IT 外判團隊或者由自家 IT 團隊編程架設網頁。而家就簡單同你比較一下 WordPress、Wix 及編程啦！ 1️⃣ WordPress WordPress 近年嚟幾乎係架設網頁嘅免費主流平台🔥，比起自行編程更容易上手，平台功能強大，更加有靈活內容管理系統，提供大量嘅主題同外掛程式。可以令新手遵循所提供嘅主題框架再加以改良，又可以滿足公司簡單優化 SEO 排名，可以透過外掛程式更深入完整咁分析，例如 Rank Math。WordPress 自由度同彈性非常大，幾乎你想要有嘅功能都可以完全做到，而且更適合架設比較複雜嘅網站，包括電商網頁、品牌網站、Blog 同會員平台網頁等。對於想要更多控制權嘅用家嚟講，WordPress 的確係一個好好嘅選擇🌟 不過，使用 WordPress 都需要一定嘅上手時間，摸索同學習，而且需要自己處理網站嘅安全性、定期要更新同維護。加上隱藏費用都唔少，想用部分更完整功能嘅外掛程式都需要收費。 2️⃣ Wix Wix 絕對係最容易用嘅網站架設平台，揀好啱你嘅收費計劃就可以使用😍，而且內設大約 250 個免費及收費嘅外掛應用同大約 300 個網頁模版。只需要揀好網頁模版，網頁編輯器憑拖拉唔同版塊進行排版、文字填充，無需編程知識都可以輕鬆架設好唔錯嘅網頁。加上，Wix 提供優秀嘅託管同技術支持，有咩疑難都可以透過電話直接搵客服幫手解決🦾，而且可以喺佢嘅論壇上面搵到特別適合初學者嘅 Wix 文章同教程。對於架設功能簡單，資訊量又大嘅網站非常合適❗ 不過 Wix 自訂彈性低，而且網頁版塊太多嘅話，佢嘅網頁編輯器載入速度會變慢，大大影響咗工作效率，好難隨心所欲架設你想要嘅網站。 3️⃣ 編程 如果你有一定程度嘅編程知識，或者有一定嘅 Budget 請 IT 外判團隊架設網站，呢個的確係最佳嘅選擇，幾乎不受任何限制，隨心所欲咁架設又精美又功能強大嘅網站！最重要嘅係擴展性非常大，架設複雜架構嘅網站唔需要好似
喺 9 月 Hacker 入侵數碼港共享硬碟令 400 GB 嘅資料外洩，包括部分員工及高層身份證號碼、地址、薪金等個人資料等，令全港嘩然🥶呢件事話比你知敏感嘅個人或企業資料絕對要利用更安全嘅方法去保護🛡️而家話你知網絡世界嘅安全守護盾 — 加密（Encryption）及雜湊（Hash） 大家成日都聽到嘅加密（Encryption），究竟原理係咩？ 👉🏻加密係將資料改變為難以讀取嘅密文內容，只有擁有解密方法嘅人經由解密過程（Decryption）先可以令密文還原做正常可讀嘅資料內容。打個比喻，當你用隱形墨水寫低秘密訊息時，表面上則用普通墨水寫咗一首歌，只有懂得用特殊方法嘅人先可以令隱形訊息顯現，否則收到嘅人只會睇到一首歌。加密就係正正用一啲難以理解嘅密文將資料隱藏其中，只有知道金鑰🔐嘅人先可以還原資料，咁做可以更安全咁儲存資料。 但係唔係所有資料都需要還原，只需要一個程序去驗證正確與否，就好似登入密碼，基本上除咗使用者，平台根本冇需要去知道，只要登入時驗證到密碼係啱就得喇！咁你就需要利用到雜湊呢個技術🔐而家話你知雜湊（Hash）嘅原理👇🏻 雖然加密同雜湊通常都會一齊用，但大家必需知道雜湊唔係加密！雜湊係將資料透過其演算法將資料轉換成固定長度嘅雜湊值。雜湊值長度並唔會因為資料嘅長短而作出變化，而且雜湊值係幾乎不可逆，亦都好似你嘅指紋一樣，基本上唔會出現唔同嘅資料計算出相同嘅雜湊值。而且，雜湊仲可以確保資料喺傳輸或儲存過程中冇被篡改。即使 Hacker 偷取到主機資料都無法得到原本嘅資料密碼，安全程度非常高🛡️ 喺保護資料及密碼嘅技術上，加密及雜湊的確係一樣為咗保護資料而設計，但加密係可逆⭕，而雜湊係不可逆🚫，兩種技術喺用途上完全唔一樣㗎！而兩種技術喺網絡世界中扮演重要嘅角色，確保你嘅資訊安全不受 Hacker 侵害🦾
© 2024, Foundy Solution Limited 版權所有
