💡老闆Sss 心郁郁想數碼轉型又怕成本太高❓但係而家政府出錢，Foundy 專業團隊出力，等於用三成預算幫你打造 0️⃣ 負擔嘅企業升級方案❗ 🌟咩係 TVP 科技券？ TVP 係由政府創新科技署推出嘅，主要幫助本地中小企業提升科技應用，加快業務發展，提高生產力同競爭力。每間企業最多獲批六個項目，總共最多可以拎 60 萬。大家要留意番每個項目嘅資助比例係 75％ 同要喺 1 年內完成。 🌟30 秒了解申請資格
詐騙訊息就收得多喇，有冇諗過連電郵都有詐騙❓明明都冇訂閱到，又成日收到啲出名企業傳送嘅好緊急或者優惠介紹嘅電郵內容，經常都要你㩒入連結先拎到某啲優惠😵💫你有冇諗過呢啲連結可能係虛假嘅欺詐惡意網站呢❓而家教你簡單識穿詐騙電郵，唔洗再心慌慌驚比人呃咗啲個人資料啦✨ 🌟四步識穿詐騙電郵 1️⃣ 檢查寄件人域名： 呢個係最簡單同基本嘅方法去檢查係咪詐騙電郵，詐騙者好多時會將相似字母或者數字替代，等你以為係真實大公司嘅正規電郵，例如 [email protected] 就係用咗 “1” 去代替咗 “l”，基本上出現最多替代情況就係👉🏻 “O” 改 “0”、“rn” 改 “m”。 2️⃣ 快查可疑特徵： 你可以用最基本嘅知識去推斷唔合理嘅寄件電郵，例如大企業根本唔會用免費信箱，例如匯豐銀行唔可能用
無論係之前講過嘅 Deepfake 定 AI 都好，都會用到呢個熱門嘅深度學習架構 GAN（Generative Adversarial Network），即係生成式對抗網絡，即係減少人類嘅干預情況之下，機器可以學習到更多嘅知識，最簡單嘅例子就係而家可以用 AI 生成一個逼真嘅人物。而家帶你去認識吓咩係生成式對抗網絡啦❗ 🌟咩係生成式對抗網絡（Generative Adversarial Network）？ 佢係一種深度學習架構，唔需要再好似以前咁用人力去標記過萬張嘅學習圖片去訓練機器，佢會自己喺資料入面搵出其中嘅關聯性，唔需要監督住佢學習嘅過程，變相過程易咗又可以慳返人力成本。 🌟生成式對抗網絡係點運作？ 佢係透過訓練兩個網絡👉🏻鑑別網絡（Discriminating Network）同生成網絡（Generative Network）嚟互相對抗嚟學習同調整去提升自身系統嘅能力，生成網絡透過訓練去生成資料，而鑑別網絡就係作為檢測器去睇吓生成嘅資料有冇漏洞，然後生成網絡再生成更好嘅資料。 舉個例子比大家更加具體去了解吓👉🏻生成網絡就好似一個工廠咁不斷生產高仿嘅紙幣，佢將生產出嚟嘅假鈔交比鑑定員去鑑定有幾似真鈔，工廠再根據番結果去再生產更完美嘅假鈔，直接生產到一張以假亂真嘅假鈔。 🌟生成式對抗網絡嘅應用例子 1️⃣ 生成逼真影像： 呢個係最為人熟悉嘅一種應用，透過文字嘅提示或者修改現有嘅影像去生成更加逼真嘅影像，除咗自娛之外，喺商業上都係非常之有用，例如生成虛擬 model 著你公司嘅產品，唔洗再比好貴嘅價錢請 model。另外又可以將低解析度嘅影像轉換做更高嘅解析度。 2️⃣ 影像風格轉換： 淨係透過生成就可以將唔同名畫家畫風轉移去另一張相上面，又或者將名畫轉換做真實相片。 3️⃣ 補全缺失資訊： 佢可以補全資訊同影像，例如修復一啲損毀咗嘅文物，將還原嘅文物以數碼保存，令下一代可以更了解古代嘅文化同傳統。又或者係將 2D 影像變做 3D 模型，就好似喺醫療上，佢結合 X光同其他身體掃描去建立更真實嘅器官影像，用喺手術前嘅規劃或者模擬手術。 4️⃣ 生成訓練資料： 佢可以幫其他系統模型生成訓練資料，即係佢可以去學習生成一啲詐騙嘅交易資料，用呢啲資料去訓練另一個詐騙檢測系統點分真同假，減低出錯嘅機會。 生成式對抗網絡令大家可以用更低嘅成本去訓練系統、展示商品等，而佢嘅應用範圍都大幅擴展緊，呢樣先至係令 AI
有人試圖 hack 入你嘅公司網站之前，你唔會知道公司網站有幾安全。而公司網站嘅數據庫儲存咗大量公司機密文件、客戶同員工嘅私隱，你真係要諗諗點樣防止比黑客入侵網站喇🫨除咗定期做嘅弱點掃描之外，仲有滲透測試（Penetration Testing）可以做❗用三分鐘時間一齊了解吓啦👇🏻 🌟咩係滲透測試（Penetration Testing）❓ 佢係一種安全測試，模擬 hacker 嘅惡意思維，諗辦法 hack 入主機同網站，搵出系統嘅漏洞同薄弱之處，再去分析測試目標嘅風險等級，然後再去做一啲加強網絡安全嘅措施。 就好似神秘顧客咁，嘗試唔同刁鑽嘅方法去測試員工嘅服務態度同質素，如果員工質素唔得，咁公司就可以就番唔同方面去做培訓。 🌟滲透測試流程 1️⃣ 準備階段： 測試人員會確定模擬攻擊嘅計劃、目標範圍，例如 Domain、IP位置等，以及時間，再根據番國際規範 OWASP 同 OSSTMM 嘅測試安全指南去一步步建立執行架構同策略、資料搜集、分析同目標滲透嘅步驟，再測試有冇洩漏敏感資料或者系統訊息。 2️⃣ 弱點掃描： 透過收集番嚟嘅所有資料，識別吓有冇漏洞同弱點嘅存在。除咗手動測試之外，亦可以用弱點掃描工具做輔助，例如針對系統弱點掃描嘅 Open-VAS 同 Nessus，針對網站安全弱點掃描嘅 AWVS 同 OWASP ZAP 嘅工具。 3️⃣ 攻擊階段： 喺上一個階段搵到嘅漏洞同弱點就會喺呢個階段去確認呢啲漏洞嘅風險同危險性，再用唔同嘅測試方法去分析弱點同漏洞，評估佢嘅危害性，例如一啲超大風險嘅漏洞可能會比 hacker 遠端控制去執行唔好嘅指令，又或者可以隨便存取、修改同刪除公司內部嘅敏感資料。 4️⃣ 報告階段： 根據番測試嘅結果，寫一份報告比番公司去了解發現嘅漏洞同危害，再提供番一啲建議嘅解決方案比公司嘅開發人員去改進同修復。修復完之後會復測一次睇吓仲有冇問題。 相信有老闆Ssss又會擔心做呢個測試係模仿 hacker 去攻擊網站同系統，咁公司嘅資料同系統又會唔會造成破壞呢？大家可以放心❗滲透測試嘅目的只係測試網站同系統嘅安全性，同埋入侵嘅可能性，所以用嘅方法同工具都比較安全，唔會造成服務停止同系統損毀㗎😎
你有冇留意最近台灣一單好爆嘅新聞❓有網紅惡意利用換臉技術整色情片而比人拉咗🫨究竟呢一種 AI 技術原理係咩？點解可以整到好似真嘅一樣？答案係👉🏻Deepfake（深度偽造）❗不過，佢唔係一個唔好嘅嘢，問題嘅本身係睇你點利用個技術姐，而家一齊了解吓佢嘅原理同用途啦👇🏻 🌟Deepfake 原理 以前嘅 key 圖只係將相嘅人頭換做其他人頭做一啲搞笑圖，勁啲會用專業少少嘅程式整換臉圖。而家 AI 嘅興起，就有 Deepfake 技術嘅出現喇。佢係用「生成對抗網絡」(GAN, generative adversarial network) 嘅 AI 技術，一部分係創造影像，另一部分就係分析影像究竟夠唔夠真實，通過時間不停咁學習同調整就可以生成到超逼真嘅影像同聲音。 簡單啲講，就係搜集大量你嘅目標換臉對象嘅臉部圖片掉比程式嘅資料庫分析，將素材嘅對象同目標對象嘅樣盡量搵到類似嘅地方，減少喺影片上面穿崩嘅機會，即係提供嘅圖片越多，AI 學習得越好，咁就可以減少面部表情嘅破綻喇。 🌟Deepfake 嘅用途 1️⃣ 娛樂影視： 可以復活唔喺人世嘅明星或者創造唔洗真人演出嘅電影場景，就好似星球大戰外傳：俠盜一號片尾，後生嘅 Leia公主出現，令到星球大戰迷都好激動。 2️⃣ 教育： 可以令一啲歷史事件或者人物重現眼前，可以令學習上帶嚟新嘅改變。例如 Aflorithmic 語音服務新創公司就曾經出過一段片將愛因斯坦重現眼前，真係好似佢翻生咁㗎❗唔只係聲音重現，臉部表情都好自然㗎🤩 3️⃣ 新聞行業： 可以模擬報導入面嘅場景或者人物，即係可以唔洗真人都可以報導到新聞，或者將案件重現喺大眾眼前。 4️⃣ 醫療用途： 可以用技術合成聲音，令聾啞人士用原聲同其他人溝通。有消息講過美國波士頓兒童為唔可以講嘢嘅人做聲音重現，先將既有嘅聲音存取，用呢個技術合成最接近原音嘅呈現，令聾啞人士將來依然可以用原聲同其他人傾偈。呢個絕對係重大嘅突破❤️🔥 Deepfake 嘅出現喺唔同方面係開闊咗創新嘅可能，亦令到一啲產業嘅成本下降，但佢都帶嚟咗一啲嘅問題，例如係假資訊同影片充斥喺網絡產面，最出名嘅事件絕對係奧巴馬鬧川普係蠢材，真係震驚全世界㗎🫣另外，私隱上面都係一個問題，未經同意就惡意整一啲影片都會令到人好困擾。 不過水能載舟，亦能覆舟，Deepfake 唔係淨係會帶嚟負面嘅影響，佢的確為帶嚟好多方便㗎，只要大家用喺正途上面，喺唔同產業上都係有正面嘅幫助。只要大家平時留意多啲，唔好比人有機可乘就唔係問題啦💪🏻
好多老闆Sss 覺得識搞 App 開發，又係用程序語言去編寫，直接跳去遊戲開發都係好簡單嘅事🫣但真係兩回事嚟㗎❗雖然兩樣嘢都係要求開發團隊要有強大嘅邏輯思維、創意設計同埋分工明確，不過喺開發週期、目標、用嘅工具同技能等等都有明顯嘅分別。而家同你一齊睇吓有咩唔同啦👇🏻 🌟App 開發嘅特點 1️⃣ 開發週期短： 大多數 App 開發嘅週期都係比遊戲開發更短，因為 App 嘅目標只係需要滿足特定嘅需求，解決問題為主，而且開發過程可以淨係針對某啲特定嘅功能做優化同測試就得。 2️⃣ 方便用戶為先： App 開發嘅目標係為咗解決用戶嘅需求，所以設計上多數注重實用性同功能性，仲要根據番用戶嘅意見去做優化，令用戶易用得嚟又可以提高生產力或者創造更大嘅利潤。 3️⃣ 技術： 開發團隊需要熟悉唔同常用嘅前後端語言，例如C++、JavaScript 同 CSS 等，同埋 iOS 嘅 Swift、Android 嘅 Kotlin，或者係跨平台嘅 Flutter、React Native 等。另外，後端整合方面，數據庫、API 以及雲服務都需要無縫整合，用戶先會有流暢嘅體驗。 🌟遊戲開發嘅特點 1️⃣ 開發週期長： 遊戲開發係需要投入大量資源去設計同制作一個完整嘅虛擬世界，其中係包括角色設定同定位、大量關卡同場景設計、故事情節、玩家連線等唔同方面。為咗遊戲嘅穩定性同流暢程度，喺測試同優化上面冇可能淨係針對某一方面做優化同測試。另外仲要考慮埋唔同嘅技術領域都係需要大量人力同物力，例如一個大型 3D 遊戲嘅開發週期係可以長達幾年㗎❗ 2️⃣ 娛樂及情感體驗為主： 佢嘅目標主要係制作出吸引人嘅世界觀、故事情節同有趣嘅互動體驗，即係喺遊戲平衡同用戶體驗上面都要花唔少心力，例如精美細緻嘅畫面、社交系統、獎勵等等，要考慮番點樣令到玩家更加忠誠，玩得開心之餘仲會密密課金去令佢哋沉浸喺遊戲世界入面得到更多嘅快感同成功感。 3️⃣ 技術： 為咗令到玩家全方位都有更好嘅體驗，開發團隊要精通
科技發展真係好快，AI 嘅普及、智能家居熱潮等都係我哋要知道嘅嘢，唔緊貼番個科技發展就真係 outdated 喇🫨而物聯網 IoT 正正就係近年現代科技嘅一個重要領域，佢究竟點樣改變我哋嘅世界同生活？企業點樣應用佢先可以把握機遇，快人一步實現到真・數碼轉型❓ 🌟咩係物聯網 IoT❓ 佢係一個龐大嘅網絡，亦係一種集體嘅網絡技術，令到實體世界嘅物件通過網絡去令大家可以做到無縫通訊，即係喺最少程度嘅人力介入就可以做到分享同收集資料，大家淨係需要透過物聯網嘅網絡就可以輕鬆咁處理到唔同嘅事，最簡單嘅例子就係智能家居。 而物聯網嘅系統有三個部分，分別係智慧型裝置、佢嘅應用程式同圖形化嘅使用介面。只要物件係有sensor 同運算能力，例如電視、監控攝錄機 同車等就可以透過網絡同物聯網應用程式就可以實現到用一部手機或者電腦將佢哋收集到嘅資訊去做決策，例如自動開關電視、隨時隨地睇到屋企嘅情況，遙距通訊屋企人等等。 🌟物聯網嘅應用例子 1️⃣ 智能家居： 呢個係最容易接觸到嘅例子，透過物聯網技術將屋企嘅電器做到遠程控制，甚至係自動化運作，例如出門口唔記得熄電視同燈，直接開個 app 就可以直接做到，有啲仲可以感應到冇人就自動熄燈。 2️⃣ 智能城市： 利用佢可以解決基礎設施、健康同環境方面嘅問題，例如自動測量空氣質素同輻射水平、用智慧型照明系統去減少能源消耗，又或者將交通燈、公共交通工具、監控攝影機等組成一個智能網絡去提高城市嘅管理效率。 3️⃣ 健康追蹤： 可以著一啲嘅設備同感應器去實時監測個人健康狀況，仲會將數據傳送比醫生做分析。 4️⃣ 企業優化： 喺企業層面上嘅應用好多元化，喺製造業方面，機械人同感應器互相溝通，邊到有問題會自動停止嗰一條生產線，減低損失同優化效率。 而零售業方面，物聯網嘅應用程式可以有效咁管理庫存、改善客戶體驗同降低營運成本。例如自動推送目標優惠同推廣比客戶、利用重量感應器嘅智慧型貨架自動監控庫存量同會有提示補貨嘅通知，減低非必要嘅人力成本。 🌟物聯網嘅好處 1️⃣ 提升效率： 自動化同智能化可以大幅度咁提高生產效率，尤其係員工嘅生產力絕對係企業成功嘅關鍵❗透過物聯網可以及時對員工做培訓，減少出錯，亦可以令員工減少咗好多無意義嘅步驟，令員工嘅工作質素提高，自自然然就提升到企業嘅生產力。 2️⃣ 加強客戶關係： 物聯網簡化咗溝通，仲可以透過收集番嚟嘅數據針對性咁喺客戶重視嘅方面部署，加強客戶嘅忠誠度，例如針對性咁提供一啲優惠或者佢哋有興趣嘅產品資訊比特定客戶等。 3️⃣ 提升企業利益： 企業可以將物聯網收集番嚟嘅大數據做深入分析分分鐘可以發現到新嘅商機，甚至有機會開發到一條更受歡迎嘅產品線，提升企業嘅盈利。 4️⃣
© 2024, Foundy Solution Limited 版權所有
