想令網站嘅 SEO 排名起飛🚀🚀🚀，反向連結（Backlink）係其中一個重要嘅排名因素之一❗只要有優質嘅反向連結就可以提高網站嘅排名，增加流量📈。不過，反向連結聽落好似好容易，但實際上有好多注意要點😵💫尤其係👉🏻點樣知道反向連結嘅質素？可唔可以買呢？自己嘅網站有幾多反向連結呢？而家話你知反向連結要點做至係最好😎
🌟咩係反向連結（Backlink）❓
佢係指其他網站擺咗一個連結係連去你嘅網站，例如當 Foundy 網站連結比專寫 IT 相關嘅 Blogger 引用或者推薦而置入喺佢嘅文章入面，Foundy 網站就會得到一個反向連結。
🌟點解反向連結咁重要❓
基本上佢嘅出現係因為其他網站嘅推薦同引用，咁樣等如話比搜索引擎知道👉🏻呢個網站好高質，值得信任，而裡面嘅內容都非常有用呀😎所以當你嘅網站反向連結越多，唔只可以增加曝光同流量，亦會有助網站嘅 SEO 排名提高。換言之，你嘅網站背後嘅推薦網站越出名或者數量越多，喺搜索引擎嘅角度越可以反映到你嘅網站質素同埋公信力。
🌟點判斷反向連結嘅優劣❓
搜索引擎除咗會睇反向連結嘅數量，更重要嘅係佢嘅質量。如果想投機取巧，比幾千蚊去買一埋反向連結，又或者創建好多個農場網站去不停引用自己嘅網站嘅話，搜索引擎係會有懲罰㗎😖排名不升反跌，甚至禁止你嘅網站出現喺搜索頁面，後果真係好嚴重㗎❗
即刻話你知咩係高質反向連結啦😎
1️⃣ 網站權威性：
反向連結嘅來源好多時都係評估連結強度嘅重要因素。你嘅網站得到高權威性嘅反向連接，代表你嘅網站越有價值，更易受到搜索引擎嘅重視同信任，SEO 排名自然大大提高。就好似你搵工咁，你有企業總裁嘅推薦信，比起部門小主管就緊係更值得信任啦，拎到新工嘅 offer 就越容易。
2️⃣ 網站相關性：
網站嘅相關性唔多唔少都會影響到反向連結嘅好壞。例如你經營開電競產品介紹嘅 blog，但你有好多嚟自美妝網站嘅反向連結，喺搜索引擎嘅角度會覺得好匪夷所思，因為產業完全唔同又冇關聯，搜索引擎有機會覺得你濫用咗反向連結去提升排名，分分鐘跌排名㗎❗所以你想爭取高質反向連結就必須搵番同內容主題比較相關嘅網站去做推薦。
3️⃣ 錨點文字（Anchor Text）：
比起直接用連結做錨點文字，用短句或者 Call to action 嘅字眼做錨點文字會更好，除咗令使用者更容易理解同閱讀，亦有助搜索引擎去了解連結同文章嘅關聯性。如果可以適當咁包含埋有意義嘅關鍵字仲可以提高反向連結嘅效用💪🏻。
4️⃣ 連結位置：
反向連結嘅位置都會影響搜索引擎去判斷佢嘅質量㗎❗如果擺喺文章嘅最尾，搜索引擎就會覺得呢個連結嘅參考價值都唔係咁大。最理想一定係擺喺文章嘅前半段，因為最重要嘅內容都會擺喺前面，而且亦可以增加用戶禁入去睇嘅機會，效用自然就大啦。
反向連結都係需要時間慢慢經營，最重要嘅係將自己網站嘅質素提高，多啲寫高質有用嘅文章，自自然然就會有其他網站推薦。當然啦，鍾意主動出擊嘅你仲可以選擇投稿去權威性高嘅網站，增加推薦嘅機會，又可以再經營多個相關類型嘅優質網站去操作反向連結😎
