一講起工作，好多人即刻諗到 AI 嘅興起，尤其係生成式 AI 嘅出現有機會令到某啲嘅工種可能會被取代🥶而 Google 工程總監 Ray Kurzweil 都預測過如果 AI 技術持續發展嘅話，到 2045 年 AI 將會超越人類嘅智慧，令到好多工種比 AI 淘汰。但係每個時代嘅進步其實都係一樣，有啲工種淘汰嘅同時，亦會有更多嘅新機遇✨與其諗到咁悲觀，不如大家一齊諗吓點樣去適應時代嘅進步，為自己或者公司搵到新嘅機會同產業啦😎
🌟而家嘅情況
1️⃣以人類做主導：
大多數嘅工作都係需要大量嘅人手操作同埋決策，就算涉及到 AI 技術都仲係輔助嘅性質，例如好似翻譯咁，AI 都可以做到文本翻譯，甚至係法律上文件嘅專業翻譯，不過 AI 嘅翻譯雖然有效率，但仲未做到十全十美，所以都係要靠人手去做校對。
🌟AI 時代嘅預測
隨住 AI 同 大數據等技術嘅發展，有唔少工作有機會成為前途光明嘅職業，大家可以朝住呢方面不斷學習同適應呀🦾
1️⃣ 數據分析📊：
作為一種雙向溝通嘅工種，基本上係好難比 AI 取代，需要針對客人嘅需求做分析，而且當中包含嘅複雜性高，AI 工具只會成為一種有效率嘅輔助工具。而且喺數據量嘅爆發性增長，專業嘅數據分析師需求只會越嚟越高。
2️⃣ 醫療保健🩺：
雙向溝通嘅工種講究嘅係人與人之間嘅信賴，喺醫療保健行業絕對非常重要，而 AI 嘅出現旨在透過更準確嘅診斷同針對性治療去優化病人嘅治療結果，令未來嘅醫療水平更精準同高效。
3️⃣ 創意產業🎨：
創意產業依賴嘅係情緒智商同人類嘅創造力，而且視覺分析產業係好難做到自動化，因為佢哋需要高水準嘅技術性能、數據品質，同埋人類嘅判斷、直覺同情感，尤其係情感部分 AI 好難做到令人有共鳴嘅作品同文案㗎。不過 AI 會係一個好好嘅工具去提供更新更方便嘅創作工具同靈感來源。
4️⃣ AI 開發👨🏻💻：
AI 開發人員絕對係 AI 年代唔可以缺少嘅工種，佢哋會透過不停訓練、更新同維護 AI，令 AI 技術不斷做出突破。而且 AI 嘅出現帶嚟嘅安全、倫理方面嘅問題都需要由佢哋去做守門員同指導大家點樣有道德咁用 AI 工具。
你會唔會比 AI 取代？越簡單同標準化嘅工種，例如接待員的確係比較容易被時代淘汰，但新時代亦有好多新機遇，當你嘅工種越偏向信賴同雙向溝通嘅時候，AI 反而會係輔助你嘅好工具。
