AI 應用普及，基本上 AI 已經係各大企業提升效率嘅武器🤖但中小企嘅老闆Sss 又知唔知邊個 AI 最啱你用❓呢個 Post 同你深入拆解三大熱門 AI 模型，等你慳錢又慳力❗😎
🌟ChatGPT-4 嘅優點
1️⃣ 全面 API 整合：
佢嘅 API 整合能力係最全面，開發人員可以將自然語言處理技術無縫集成去佢哋嘅應用程序入面，例如，智能客服、自動語言翻譯工具等等，令到員工可以更有效率咁提供更好嘅體驗比客戶。
2️⃣ 開發客製化應用：
你可以利用一啲訓練同調校，令某個專屬頻道嘅 ChatGPT 固定做處理特定任務嘅 AI 助理，令到佢嘅答案更加精準同啱用。
3️⃣ 強大程式碼生成：
ChatGPT-4 一直都喺代碼生成同數學推理方面表現非常好，特別啱技術支援嘅任務。例如喺設計初期由無到有嘅階段，佢可以幫到 IT 員工慳返唔少成本，起碼做到六成出嚟就已經慳咗近一半嘅時間。
🌟ChatGPT-4 嘅應用例子
✅ 客服自動化
✅ 撰寫產品說明書
✅ 營銷內容創作
✅ 編寫網站代碼
🌟Claude 嘅優點
1️⃣ 分析數據能力突出：
佢喺基準測試入面表現好出色，尤其係處理視覺數據方面，能力的確係超過咗 ChatGPT-4 同 Gemini 1.5 Pro。
2️⃣ 處理大量文字：
佢可以總結多達十五萬個單詞，同其他相比簡直係脫穎而出。
🌟Claude 嘅應用例子
✅ 創意內容
✅ 分析銷售報告
✅ 處理大量文件
✅ 市場調查報告
🌟Gemini 嘅優點
1️⃣多模態數據處理：
佢喺多模態數據處理方面，例如音頻同視頻理解表現突出，而且仲支持更長啲上下文窗口，對需要處理大量信息嘅企業非常有利。
2️⃣ 複雜推理：
佢可以喺大量數據入面發掘到知識又理解到複雜嘅書面信息。
🌟Gemini 嘅應用例子
✅ 圖文內容生成
✅ 社交媒體管理
✅ 多媒體資料分析
✅ 教育培訓平台
睇完上面嘅分析，三個 AI 模型都各有千秋，大家可能心目中都有選擇😎而仲未揀到嘅你，可以從呢兩個方面考慮👉🏻預算、業務側重點。如果你業務側重喺多模態數據處理或者複雜嘅長文分析，Gemini 可能係最理想嘅選擇；而企業係要處理大量嘅視覺數據或者創意內容，咁 Claude 可能就更加啱你；如果重點喺文本生成同代碼支持而預算又比較彈性，ChatGPT-4 就會係最佳嘅選擇喇。
